Жер қойнауын пайдалану мәселелері жөніндегі сараптама комиссиясы туралы
Қазақстан Республикасы Энергетика министрінің 2018 жылғы 16 наурыздағы № 98 бұйрығы
(2018.27.08. берілген өзгерістермен)
Осы редакция 2023 жылғы 4 тамызда енгізілген өзгерістеріне дейін қолданылды
«Жер қойнауы және жер қойнауын пайдалану туралы» 2017 жылғы 27 желтоқсандағы Қазақстан Республикасының Кодексі 45-бабының 6-тармағына сәйкес БҰЙЫРАМЫН:
1. Мыналар:
1) Осы бұйрыққа 1 қосымшаға сәйкес Жер қойнауын пайдалану мәселелері жөніндегі сараптама комиссиясы туралы ереже;
2) Осы бұйрыққа 2 қосымшаға сәйкес Жер қойнауын пайдалану мәселелері жөніндегі сараптама комиссиясының құрамы бекітілсін.
2. «Жер қойнауын пайдалану мәселелері жөніндегі сараптаму комиссия туралы» Қазақстан Республикасы Мұнай және газ министрінің 2014 жылғы 3 қарашадағы № 94 бұйрығының күші жойылсын.
3. Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.
4. Осы бұйрық «Жер қойнауы және жер қойнауын пайдалану туралы» 2017 жылғы 27 желтоқсандағы Қазақстан Республикасының Кодексі қолданысқа енген күннен бастап қолданысқа енгізіледі.
Қазақстан Республикасы
Энергетика министрінің
2018 жылғы 16 наурыздағы
№ 98 бұйрығына
1 - қосымша
Жер қойнауын пайдалану мәселелері жөніндегі сараптама комиссиясы туралы
ереже
1-тарау. Жалпы ережелер
1. Жер қойнауын пайдалану мәселелері жөніндегі сараптама комиссиясы (бұдан әрі - Комиссия) жер қойнауын пайдалану құқығын және (немесе) жер қойнауын пайдалану құқығымен байланысты объектілерді беруге рұқсат беру туралы өтініштерді қарау кезінде, сондай-ақ «Жер қойнауы және жер қойнауын пайдалану туралы» 2017 жылғы 27 желтоқсандағы Қазақстан Республикасының Кодексі (бұдан әрі - Кодекс) 109-бабының 1 және 4-тармақтарында, 121-бабының 14-тармағында және 278-бабының 12-тармағында көзделген жағдайларда құзыретті органға ұсынымдарды әзірлеуді жүзеге асыратын консультативтік-кеңесші орган болып табылады.